ਇਹ ਸਫ਼ਾ ਪ੍ਰਮਾਣਿਤ ਹੈ
944
ਸੱਸ ਦੇ ਸੰਦੂਕ ਜੰਮਿਆਂ
ਨਾਲ਼ ਦੇ ਦੂ ਧੀਆਂ ਦੇ ਮੁਕਲਾਵੇ
945
ਮੇਰੀ ਸੱਸ ਮੁਕਲਾਵੇ ਆਈ
ਪੀਹੜੀ ਉਹਨੂੰ ਮੈਂ ਡਾਹੀ
946
ਸੱਸ ਚੱਲੀ ਸਹੁਰਿਆਂ ਨੂੰ
ਗਲ ਲੱਗ ਕੇ ਪੁੱਤਾਂ ਦੇ ਰੋਵੇ
947
ਸੱਸੀਏ ਨਾ ਰੋ ਨੀ
ਕੁਲ ਛੱਡਣੀ ਮਹੀਨੇ ਢਾਈ
948
ਸੱਚ ਦੱਸੀਂ ਮੇਰੀ ਸੱਸੀਏ
ਸਹੁਰੇ ਕਿਹੜੀ ਜੁਗਤ ਨਾਲ਼ ਵਰਤੇ
949
ਜਿਥੇ ਮੇਰੀ ਸੱਸ ਵਰਤੇ
ਓਥੇ ਮੈਂ ਵਰਤੋਂ ਨੀ ਪਾਉਣੀ
950
ਨਿਮ ਦਾ ਕਰਾ ਦੇ ਘੋਟਣਾ
ਸੱਸ ਕੁੱਟਣੀ ਸੰਦੂਕਾਂ ਓਹਲੇ
951
ਨਿਮ ਦਾ ਕਰਾ ਦੇ ਘੋਟਣਾ
ਕਿਤੇ ਸੱਸ ਕੁੱਟਣੀ ਬਣ ਜਾਵੇ
952
ਛੇਤੀ ਛੇਤੀ ਵਧ ਕਿੱਕਰੇ
ਅਸੀਂ ਸੱਸ ਦਾ ਸੰਦੂਕ ਬਣਾਉਣਾ
953
ਸੱਸਾਂ ਕੀਹਨੇ ਨੇ ਬਣਾਈਆਂ
ਸੱਚੇ ਸਤਗੁਰ ਨੇ ਚੁੜੇਲਾਂ ਲਾਈਆਂ
954
ਸੱਸ ਮਰੀ ਦੀ ਮੰਜਲ ਨੀ ਜਾਣਾ
ਸਹੁਰੇ ਦਾ ਬਬਾਨ ਕੱਢਣਾ
126 :: ਗਾਉਂਦਾ ਪੰਜਾਬ