ਇਹ ਸਫ਼ਾ ਪ੍ਰਮਾਣਿਤ ਹੈ
358
ਜਾਂਦਾ ਜੋਬਨ ਦੱਸ ਨਾ ਗਿਆ
ਚਿੱਠੀ ਕਿਹੜੇ ਸ਼ਹਿਰ ਨੂੰ ਪਾਵਾਂ
359
ਜਾਂਦੇ ਹੋਏ ਜੋਬਨ ਦੀ
ਉਡਦੀ ਧੂੜ ਨਜ਼ਰ ਨਾ ਆਵੇ
360
ਦੰਦੀ ਵੱਢੀ ਤੇ ਅੱਖਾਂ ਭਰ ਆਈਆਂ
ਮਾੜੇ ਹੀਏ ਵਾਲੀਏ ਰੰਨੇ
361
ਤੇਰੇ ਰੰਗ ਨੇ ਪਤੰਗ ਬਣ ਜਾਣਾ
ਭਰ ਭਰ ਵੰਡ ਮੁੱਠੀਆਂ
362
ਨਾਭੇ ਦੀਏ ਬੰਦ ਬੋਤਲੇ
ਤੈਨੂੰ ਦੇਖ ਕੇ ਨਸ਼ਾ ਚੜ੍ਹ ਜਾਵੇ
363
ਨਾਭੇ ਦੀਏ ਬੰਦ ਬੋਤਲੇ
ਤੈਨੂੰ ਪੀਣਗੇ ਨਸੀਬਾਂ ਵਾਲ਼ੇ
364
ਬੱਲੀਏ ਕਣਕ ਦੀਏ
ਤੈਨੂੰ ਖਾਣਗੇ ਨਸੀਬਾਂ ਵਾਲ਼ੇ
365
ਗੋਲ ਪਿੰਨੀ ਸੀਤੋ ਦੀ
ਕੋਈ ਲੁੱਟਣ ਨਸੀਬਾਂ ਵਾਲ਼ੇ
366
ਲੱਕੋਂ ਪਤਲੀ ਪੱਟਾਂ ਤੋਂ ਭਾਰੀ
ਸੰਤੀ ਧੂਰਕੋਟ ਦੀ
367
ਠੱਲ੍ਹਿਆ ਮੂਲ ਨਾ ਜਾਵੇ
ਨੀ ਜੋਸ਼ ਜਵਾਨੀ ਦਾ
368
ਨਰਮ ਕਾਲਜੇ ਵਾਲੀ
ਪੱਠਿਆ ਨਾ ਲੱਭਣੀ
64 :: ਗਾਉਂਦਾ ਪੰਜਾਬ